Tokony manolo-tena sy mitana anjara toerana lehibe amin’ny fampandrosoana an’i Madagasikara ireo orinasa. Amin’ny maha mpandraharaha, mpampiasa ary mpiara-miombon’antoka anay, BASAN dia mametraka ny tenany ho mpisehatra mandray andraikitra ary miasa maharitra ho an’ny firenena sy ny fiarahamonina.
Miorimpaka eto Madagasikara izahay ary manome lanja ny fahaiza-manao amin’ny alalan’ny fampiroboroboana ny seha-pihariana eny ifotony, ary manolo-tena hanolotra vokatra sy tolotra tsara kalitao azon’ny olona rehetra jifaina. Ho an’ny fampandrosoana lovainjafy, dia mametra ny fiantraikan’ny asanay amin’ny harena voajanahary araka izay tratra izahay amin’ny alàlan’ny fiarovana azy ireo na ny fandraisana anjara amin’ny famerenana azy amin’ny laoniny.